Eftir að flugvikunni í Reykjavík er lokið vill stjórn FMÍ nota tækifærið til að þakka öllum þeim sem tóku þátt í henni, þeim sem eyddu ómældum tíma í undirbúning og ekki síður þeim sem sáu sér fært að mæta á þá atburði sem í boði voru.  

Við teljum að þessi vika hafi sýnt okkur svo ekki verði um villst að áhugi fyrir flugi er mjög útbreiddur jafnt hjá ungum sem öldnum. Í því sambandi má nefna að það er talið að ekki færri er 5.000 manns hafi mætt á flugsýninguna á laugardaginn.

Tilgangur Flugmálafélags Íslands er að stuðla að framgangi flugs á Íslandi og teljum að með flugvikunni höfum við náð til margra framtíðarflugmanna og upplýst þá um þær leiðir sem eru færar til þess að gera flugið að áhugamáli sínu og/eða atvinnu þegar fram líða stundir.

Hér að neðan eru nokkrir hlekkir þar sem sjá má myndir og fréttir af einstökum atburðum flugvikunnar:

Snorri Bjarnvin Jónsson:                  Myndband frá flugdeginum.

Valur Stefánsson:                          Myndir frá flugdeginum.

                                                  Opið hús í Fluggörðum.

                                                  Gamlar kempur segja sögur.

                                                  Opið hús hjá gæslunni.

                                                  Opið hús hjá Flugstoðum.

Guðlaugur Agnar Valsson:               Myndir frá flugdeginum.

Baldur Sveinsson:                          Myndir frá flugdeginum.

Visir.is:                                        Þristurinn.

Þann 24.03.2005  var haldin fyrsti flugöryggisfundurinn eftir langt hlé.  Ljóst var uppsafnaður áhugi á öryggismálum var til staðar því vel á annað hundrað manns mættu á fundinn.  Fyrst voru fundarmenn fræddir um tilvist og tilgang Flugmálafélagsins af Ágústi varaforseta FMÍ en strax í kjölfarið fór Þormóður formaður Rannsóknarnefndar Flugslysa yfir þau slys og flugatvik sem hafa átt sér stað frá síðasta fundi.  Þormóður sagði frá flugslysi á flugskólavél á Raufarhöfn og brýndi fyrir mönnum að huga að klæðnaði og útbúnaði að vetrarlagi en eitthvað vantaði uppá þá hluti í því tilviki.  Þá var einnig sagt frá því þegar Dornierinn lenti með dekkin uppi á Sigufirði en niðurstaða úr þeirri rannsókn hefur ekki verið birt.  Þormóður greindi frá snarræði flugkonunnar sem nauðlenti TF-UPS í borgarfirðinum en hún náði að bjarga sér út úr aðstæðum sem eru krefjandi fyrir hvaða flugmann sem er.  Síðan var sagt frá slysi á Helio sem lenti í ógöngum í flugtaki úr sandfjöru á Snæfellsnesi.  Þormóður átti erfitt með að leyna áhuga sínum á þeirri vél og hrifningu af viðmóti og útbúnaði þess flugmanns sem var kanadískur.  Þó þótti mönnum sérkennilegt að heyra að flugmaðurinn taldi sig hafa hitt geimveru þegar hann var að leita að hjálp.  En við nánari skoðun kom í ljós að hann hafði rekist á íslenska kind en þannig kvikindi hafði hann aldrei séð áður.  Tyrfingur Þorsteinsson flugrekstrarstjóri Landsflugs sagði frá rekstri þess félags og var gaman að kynnast þannig nýjasta áætlunarflugfélagi landsins.  Að lokum voru sýnd tvö myndbönd, það fyrra var um hringflug fisa hringinn í kringum landið sem hafði skemmtilegan grasrótartón og kveikti eflaust í mörgum fundarmönnum og það seinna var með Richard L. Collins um vetrarflug.

Í morgun var síðan farið yfir fundinn af Ágústi og Kristjáni í morgunþættinum á stöð 2.  Upptöku af því er hægt að sjá hér: http://media.gagna.net/uskefnistod2/clips/2005_02/1817/klippa%2010.wmv

Það var mat manna að fundurinn hefði heppnast vel og stefnt er að því að hafa næsta fund 12.maí og vonar stjórn FMÍ að sem flestir sjái sér fært að mæta.